UNM 2017 – Reykjavík

UNM Reykjavík – 14. -19. ágúst 2017

http://www.ungnordiskmusik.is/

Auglýst eftir verkum fyrir UNM 2017 – Reykjavík!

Auglýst er eftir verkum fyrir tónlistarhátíðina Ung Nordisk Musik 2017, en hún verður að þessu sinni haldin dagana 14.-19. ágúst 2017 í Reykjavík. Opið er fyrir umsóknir til og með 15. desember næstkomandi.

Öll tónlist er gjaldgeng hvort sem um er að ræða tónsmíð sem styðst við raddskrá, rafverk, innsetningu, gjörning og svo framvegis. Þó er ekki hægt að taka við verkum fyrir sinfóníuhljómsveit í ár.

Skilyrði:

• Umsækjendur verða að vera fæddir 1987 eða seinna, þó er gerð undantekning á aldurskröfum ef umsækjandi er enn í námi. Ef umsækjandi er ekki íslenskur ríkisborgari verður hann að vera skráður og búsettur á Íslandi þegar umsókn er send inn.
• Hver umsækjandi má aðeins senda inn 3 verk.
• Hver umsækjandi má vera þátttakandi á samtals fimm UNM-hátíðum, burtséð frá því hvaða landi hann tekur þátt fyrir. (Þannig má t.d. sænskur ríkisborgari sem býr í Finnlandi ekki taka þátt 5 sinnum fyrir Svíþjóð og svo aftur 5 sinnum fyrir Finnland.)
• Ef umsækjandi getur af einhverjum ástæðum sótt um þátttöku á UNM í öðru landi en Íslandi, má hann einungis sækja um í öðru hvoru landinu. Ef uppgötvast að sótt hefur verið um í tveimur löndum fyrir sömu hátíð, falla báðar umsóknir samstundis úr gildi.
• Einungis er tekið við rafrænum umsóknum.
• Sendið umsóknina á unmiceland (hjá) gmail.com með fyrirsögninni “Umsókn 2017”.
• Umsóknin þarf að vera algerlega ópersónugreinanleg – hvorki nafn umsækjenda né aðrar upplýsingar eins og styrktaraðilar, frumflutningsupplýsingar eða nafn á flytjendum mega koma fram. Hinsvegar verður titill verksins að vera skýr á öllu fylgiefni.
• Ef hljóðskrá er send þá gilda sömu nafnleysis-reglur og að ofan. Munið eftir að breyta “metadata” á hljóðskrám með forritum eins og iTunes eða Windows Media Player ef þarf.
• Hljóðskrár þurfa að vera á forminu mp3 eða svipað, og sendar í gegnum WeTransfer eða sambærilega þjónustu. Skráið unmiceland (hjá) gmail.com sem viðtakanda.

Umsókn er tekin gild ef hún inniheldur:

• 1-3 verk með lýsandi fylgiskrá/raddskrá. Ekki hika við að sækja um með innsetningu, hljóðlist eða gjörningalist. Innsend verk geta einnig verið skrifleg lýsing á verkinu sem um ræðir.

• PDF-skjal með eftirfarandi upplýsingum:

Nafn, heimilisfang, netfang og símanúmer.

Nöfnin á verkunum sem sótt er um með (titill, hljóðfærasamsetning, tæknikröfur)

Fyrri þáttaka á UNM (ártal, land)

 

Íslandsnefnd UNM eru einu aðilarnir sem hafa aðgang að upplýsingunum þínum. Dómnefnd fær einungis aðgang að nafnlausum upplýsingum.

Ófullgerðar umsóknir, nafngreindar umsóknir eða seinar umsóknir geta því miður ekki verið teknar til greina.

Þátttakendur á UNM 2016 í Aarhus

Dómnefnd hefur skilað niðurstöðu um það hverjir fara fyrir Íslands hönd á Ung Nordisk Musik hátíðina 2016 í Aarhus. Alls bárust dómnefnd 30 verk eftir 13 tónskáld. Dómnefndin var í þetta skiptið skipuð tónskáldunum Þuríði Jónsdóttur og Daníeli Bjarnasyni.

Tónskáldin og verkin eru (í stafrófsröð):
Árni Bergur Zoëga – Katabasis II
Bergrún Snæbjörnsdóttir – The Cancerous Cell
Finnur Karlsson – Fold
Halldór Smárason – it means what you think it means
Haukur Þór Harðarson – Through the whole fabric of my being
Ingibjörg Friðriksdóttir – Í iðrum
Unnur Fjóla Evans – Augun

Til vara eru (ef valin tónskáld skyldu forfallast):
1. Örnólfur Eldon – Það er spurning
2. Bára Gísladóttir – HAF:köf(n)un

Næst verður hægt að senda inn verk í byrjun desember, en hátíðin 2017 verður haldin í Reyjavík.

 

UNM 2016

Íslandsnefnd UNM þakkar kærlega fyrir umsóknirnar sem bárust inn í desember og munu niðurstöður dómnefndar verða kunngjörðar fyrir þann 25. janúar næstkomandi. Gleðilegt ár!

Auglýst eftir verkum fyrir UNM 2016, Danmörk

Auglýst er eftir verkum fyrir tónlistarhátíðina Ung Nordisk Musik 2016, en hún verður að þessu sinni haldin í lok ágúst í Aarhus, Danmörku.

Tónskáld fædd árið 1986 og seinna geta tekið þátt, en þó er gerð undantekning á aldurskröfum ef tónskáldið er enn í námi.

Öll tónlist er gjaldgeng hvort sem um er rætt tónsmíð sem styðst við raddskrá, rafverk, innsetning og svo framvegis.

Skilafrestur er til og með 10. desember næstkomandi.

Þau tónskáld sem valin eru gerast með því fulltrúar Íslands á hátíðinni, en þeim er jafnframt gert að mæta á alla viðburði hátíðarinnar á meðan henni stendur.

Hvert tónskáld má skila inn allt að þremur verkum til dómnefndar. Verkunum skal skila rafrænt með skráasendingaþjónustu eins og t.d. wetransfer eða dropbox. Verkunum skal skila undir dulnefni, þar sem öllum persónugreinanlegum upplýsingum í raddskrám, á upptökum o.s.frv. hefur verið skipt út fyrir dulnefnið. Sama dulnefni skal nota fyrir öll innsend verk. Ef þessu er ekki fylgt telst umsókn ógild.

Umsóknin skal send á unmiceland (hjá) gmail.com, en hún skal innihalda:

• Hlekk frá skráasendingaþjónustu sem inniheldur:

• Raddskrár verka.
• Upptökur, ef til eru.
• Texti um verkin, á pdf skrásniði, ef verkin eru þess eðlis að þau falla utan þess ramma að raddskrá eða upptaka geti lýst þeim á fullnægjandi hátt.

• Nafn, netfang og símanúmer

Fyrirspurnir sendast jafnframt á: unmiceland (hjá) gmail.com

Val dómnefndar fyrir UNM 2015

Íslandsnefnd Ung Nordisk Musik þakkar fyrir góða þáttöku í ár en alls bárust um 32 verk 16 ólíkra tónskálda og því var erfitt verk fyrir dómnefnd að skera úr. Í dómnefnd sátu Páll Ragnar Pálsson og Berglind María Tómasdóttir, og völdu þau eftirfarandi verk og tónskáld til að taka þátt í UNM Helsinki, 2015 (í engri sérstakri röð):

Gunnar Gunnsteinsson – Verk úr sjálfshjálpar-seríunni Finding your Mindpatterns

Þorkell Nordal – Hemill

Halldór Smárason – _a_at_na

Bergrún Snæbjörnsdóttir – Esoteric Mass

Haukur Þór Harðarson – What sound does the skull of a unicorn make?

Finnur Karlsson – Waves

Örnólfur Eldon – Bagatella

Hægt verður að senda inn verk vegna UNM 2016 í byrjun desember næstkomandi, en hátíðin verður í það sinn haldin í Árósum, Danmörku.

Bestu kveðjur,

Íslandsnefnd UNM

unmiceland (hjá) gmail.com

https://www.facebook.com/unmiceland2014

Auglýst eftir verkum fyrir UNM 2015, Helsinki

Auglýst er eftir verkum fyrir tónlistarhátíðina Ung Nordisk Musik 2015,
en hún verður að þessu sinni haldin 1-5. september í Helsinki, Finnlandi.

Tónskáld fædd árið 1985 og seinna eru hvött til að að skila inn verkum,
en þó er gerð undantekning með aldur ef tónskáldið er ennþá í námi.
Allir hljóðmiðlar eru gjaldgengir hvort sem þeir eru tónsmíð á pappír, rafverk,
innsetningar og svo framvegis.

Skilafrestur er þann 1. desember næstkomandi (póststimpill gildir).

Þau tónskáld sem valin eru og gerast með því fulltrúar Íslands á hátíðinni er
gert að mæta á alla viðburði hátíðarinnar á meðan henni stendur.

Hvert tónskáld má skila inn mest þremur verkum til dómnefndar.
(Upptökur vel þegnar ásamt pappír)

Skila skal hverju verki inn í þremur eintökum undir sama dulnefni.
Ef upptökur eða annað aukaefni fylgir skilast slíkt einnig í þremur eintökum undir dulnefni.

Með verkinu/verkunum þarf að fylgja í lokuðu umslagi upplýsingar um
tónskáldið þar sem fram kemur: Nafn, heimilisfang, netfang og símanúmer.

Berist til:
UNM-Ísland
Bergrún Snæbjörnsdóttir
Grettisgötu 67
101 Reykjavík

Fyrirspurnir sendist á: unmiceland@gmail.com

Val dómnefndar fyrir UNM 2014

Íslandsnefnd UNM þakkar öllum kærlega fyrir þáttöku í UNM 2014, alls bárust nefndinni um 25 verk. Dómnefnd valdi úr innsendum verkum 7 verk 7 ólíkra tónskáld sem verða flutt í Malmö næstkomandi ágúst.

Í dómnefndinni sátu Anna Þorvaldsdóttir, tónskáld og Una Sveinbjarnardóttir, fiðluleikari. Listinn er eftirfarandi:

Höfundar í stafrófsröð og verk

• Bára Gísladóttir – Eldtungur í Vaðlaheiði
• Bergrún Snæbjörnsdóttir – Dálás
• Finnur Karlsson – Hrafnaþing 
• Gísli Magnússon – Verk fyrir klarinett og slagverk
• Hafsteinn Þórólfsson – Þjóðsaga (tónskáld getur valið hluta verksins til flutnings í samráði við hátíðina.)
• Halldór Smárason – átt, f. hljómsveit (til vara Skúlptúr 1)
• Haukur Þór Harðarson – String Quartet No. 1

Hægt verður að senda inn verk vegna UNM 2015 í byrjun desember næstkomandi, en þá verður hátíðin haldin í Finnlandi.

Bestu kveðjur,

Íslandsnefnd UNM

https://unmiceland.wordpress.com/

http://unm.is/

Auglýst eftir verkum fyrir UNM 2014 – Malmö

Auglýst er eftir verkum fyrir tónlistarhátíðina Ung Nordisk Musik 2014, en hún verður að þessu sinni haldin 26-30. ágúst í Malmö, Svíþjóð. Tónskáld fædd árið 1984 og seinna eru hvött til að að skila inn verkum, en þó er gerð undantekning með aldur ef tónskáldið er ennþá í námi. Allir hljóðmiðlar eru gjaldgengir hvort sem þeir eru tónsmíð á pappír, rafverk, innsetningar og svo framvegis. Skilafrestur er þann 1. desember næstkomandi (póststimpill gildir).

Þau tónskáld sem valin eru og gerast með því fulltrúar Íslands á hátíðinni er gert að mæta á alla viðburði hátíðarinnar á meðan henni stendur.

Hvert tónskáld má skila inn mest þremur verkum til dómnefndar. (Upptökur og .pdf skjöl vel þegin ásamt pappír)

Skila skal hverju verki inn í þremur eintökum undir dulnefni.

Með verkinu/verkunum þarf að fylgja í lokuðu umslagi upplýsingar um tónskáldið þar sem fram kemur: Nafn, heimilisfang, netfang og símanúmer.

Berist til:

UNM-Ísland

Bergrún Snæbjörnsdóttir

Baldursgötu 3b

101 Reykjavík

Heimasíða hátíðarinnar er: unmiceland.wordpress.com/

Fyrirspurnir sendist á unmiceland@gmail.com

UNM 2013 – New Music Performance

UNM – New Music Performance var haldin í vikunni sem leið í Osló.  Í ár héldu þangað íslensku tónskáldin þau Árni Freyr Gunnarsson, Bergrún Snæbjörnsdóttir, Gunnar Karel Másson, Halldór Smárason, Haukur Þór Harðarson, Þórunn Gréta Sigurðardóttir og Þráinn Hjálmarsson. Íslandsnefnd UNM var að þessu sinni styrkt af Norsk-Islandsk Samarbejde, Tónlistarsjóði og Útflutningssjóði íslenskrar tónlistar. Nánari upplýsingar um hátíðina í Noregi má finna á www.unm.no

———–